Laai die PDF weergawe hier af (om maklik uit te druk of te stuur per e-pos):
AGS Nuusflits: Vrydag, 28 Januarie 2022
HULPBRONNE
1. AGS van SA: Nasionale Kalender 2022
https://afm-ags.org/afm-calendar-2022/
2. Nasionale Kinderbediening: 2022 GBM Kennisgewing, Registrasie & Ondersteunende Bylaes (Dringend!)
https://afm-ags.org/category/media/
3. Nasionale Kinderbediening: Omsendbrief 1 van 2022
https://afm-ags.org/category/media/
4. 2022 NOB Bemagtigings Besoeke: Program
https://afm-ags.org/category/events/
AGS Kollega,
1. ‘N MAAND VAN VAS EN GEBED
Soos ons die einde van ons vas- en gebedsmaand vir Januarie 2022 nader, wil ek jou daaraan herinner dat gebed (en vas) nie iets is waarop ons net gedurende een maand van elke jaar moet op fokus nie: As gelowiges glo ons in die krag van die geestelike dissiplines van gebed en vas – om God aan te raak en om ons as mense te transformeer.
Gebed en vas help ons nie om meer van God se aanvaarding of liefde te verkry nie. Ons het dit reeds. Dit help ons om beter op God te fokus en om ons begrip van Sy visie en plan vir ons lewens te verbreed. Dit help ons ook om Sy stem beter te hoor. Die aksie van gebed en vas herinner my aan die woorde van Dawid in 2 Samuel 22:21 (The Message): “God made my life complete when I placed all the pieces before Him.”
Mag ons voortgaan om die stukke van alles wat onopgelos of gebreek is in ons eie lewens en in ons gemeenskappe, voor God te plaas in gebed. Een van ons beste aksies in die huidige tyd van onsekerheid is beslis om te fokus op, en voortdurend te groei in ‘n gereelde praktyk van gebed en vas.
Die Nasionale Ampsdraers (NOB) het aan die begin van Januarie 2022 ‘n paar dae spandeer om te fokus op die uitklaring van ons strategiese voorneme vir die huidige termyn. Ons sal dit, sowel as die gepaardgaande doelwitte en aksiestappe om dit te realiseer, binnekort met jou deel.
As die Here wil, sal ons by die volgende plekke op die volgende datums wees:
04-05 Februarie: Kaap (AGS Bellville) & Vrystaat (AGS Jubilate, Bloemfontein).
18-19 Februarie: KwaZulu-Natal (Amanzimtoti).
03-05 Maart: Limpopo (AGS Taberna Dei Moedergemeente) & Mpumalanga (Communio Nelspruit).
08-09 April: Gauteng (AGS Herlewingsentrum, Pretoria) & Noordwes (AGS Oase, Klerksdorp).
20-21 Mei: Noord-Kaap (AGS Rehobot, Upington) & Oos-Kaap (Gees en Lewe, Oos-Londen).
Hervatting van Kinderbediening Aktiwiteite & Verkiesing Van Streekbedieningstrukture
Dit is meer as 20 maande sedert ons deur die Covid-19-pandemie getref is en die aktiwiteite van die Kinderbediening ernstig ontwrig is in ons strukture en Gemeentes. In hierdie verband wil ek aanbeveel dat alle Kinderbedienings-aktiwiteite met onmiddellike effek in al die strukture en Gemeentes hervat word – onder streng Covid-19-protokol en regulasies. Sommige Gemeentes het goed gevaar om te verseker dat daar na die geestelike behoeftes van ons kinders omgesien was en daar was ook Gemeentes wat voortgegaan het met streeksaktiwiteite. Daar is egter steeds Gemeentes waar Kinderbedienings-aktiwiteite sonder rede opgeskort is. Daarom moedig ek almal van ons aan om Kinderbedienings-aktiwiteite met onmiddellike effek te hervat.
Teen hierdie tyd behoort die verkiesings vir alle Kinderbediening Streekskomitees alreeds plaasgevind het. Indien nie, wil ek vra dat hierdie verkiesings sal plaasvind teen die einde van Februarie 2022 – ter voorbereiding van die NCM GBM wat gaan plaasvind op 19 Maart 2022.
Laai gerus alle relevante inligting, soos hierbo genoem, van die AGS van SA se webwerf af:
https://afm-ags.org/category/media/
- NCM Omsendbrief 1 van 2022
- NCM 2022 GBM Kennisgewing, Registrasie en Ondersteunende Bylaes
In die Here se Diens
Past. Sam Tshabalala
(NCM: Nasionale Direkteur)
Vriendelike Groete
Henri Weideman
