Laai die PDF weergawe hier af (om maklik te e-pos of uit te druk):
HULPBRONNE:
1. Omsendbrief, 22 September 2020 (Pastoor Waarderingsmaand – Punt Nr.3)
https://afm-ags.org/wp-content/uploads/2020/09/Circular-to-pastors-Regions-22-September-2020.pdf
2. AGS Welsyn R1-Veldtog
https://afm-ags.org/newsflash-friday-4-september-resources/
3. AGS Vlak 1 Inperkingsregulasies
https://afm-ags.org/wp-content/uploads/2020/09/AFM-Level-1-Church-Gatherings-Guidelines.pdf
4. AGS Vlak 1 Begrafnis Regulasies
https://afm-ags.org/wp-content/uploads/2020/09/AFM-Level-1-Funeral-Guidelines.pdf
AGS Mede-Kollega,
In die AGS Verklaring van 19 Junie 2020 (https://afm-ags.org/gender-based-violence-and-violence-against-children-friday-19-june-2020/), het ek geraak aan die kwessie van geslagsgeweld en geweld teen kinders. In hierdie artikel is ek diep bedroef oor die besef dat hierdie plaag van geweld ons nog steeds teister.
Dit sluit die onlangse moord op boere en plaaswerkers in. Daar is geen aanvaarbare argument wat aangevoer kan word oor hierdie afskuwelike misdaad wat gepleeg word teen diegene wat bydra tot ons voedselsekerheid nie. Hierdie moorde is onmenslik en boosaardig, en moet deur alle vredeliewende Suid-Afrikaners veroordeel word. Ons het reeds ‘n onaanvaarbare hoë moordsyfer in Suid-Afrika. Alhoewel ons verstaan dat humeure ‘n kookpunt bereik, doen ons steeds ‘n beroep op selfbeheersing. Ons moet ons woede en frustrasies op enige wettige manier uitlaat – sonder om in die strik van geweldadigheid te val.
DIE AGS Sê NEE VIR DIE ELIMINERING VAN MENSLIKE LEWE – ONGEAG VAN RAS, GESLAG, GENERASIE, GELOOF OF ENIGE ANDER KLASSIFIKASIE.
Ons gebede is by alle gesinne wie se geliefdes vermoor is. Ons staan in solidariteit met hulle in hul rou. Ek vra dat ons eerskomende Sondag ‘n oomblik van gebed aan hulle sal opdra. Laat ons ook bid vir God se beskerming op ons plaasgemeenskappe, vroue en kinders. Ek sal by die komende Nasionale Leierskapforum (NLF) ‘n versoek rig om te kyk hoe die AGS aksie kan neem ten opsigte van hierdie kwessie.
Gesondheidssdiens Sondag is op 18 Oktober 2020. Hierdie dag het in die 1990’s in die Verenigde Koninkryk begin en gegroei tot ‘n wêreldwye instelling. Dit word op die derde Sondag van Oktober-maand gevier. Om gesondheidswerkers te eer lê na aan God se hart (Matteus 25: 37-49). Ons Here Jesus het besorgdheid oor die siekes en kreupeles getoon (Johannes 5: 1-15). Baie van ons AGS lidmate maak deel uit van die voorste linie in die gesondheidsektor. Baie van hierdie gesondheidswerkers werk onder moeilike omstandighede en is nie immuun teen moegheid, angs en spanning nie.
Ons sien die belangrike rol wat gesondheidswerkers gedurende die piek van die koronavirus-pandemie gespeel het. Baie van hulle het hul lewens verloor. Steeds hou hulle aan om hierdie belangrike taak te vervul.
Ons moet almal een of ander tyd in ons lewens van gesondheidsdienste gebruik maak. Die komende Sondag bied aan ons die geleentheid om lidmate en plaaslike gemeenskapslede wat in gesondheidsorg werk – te erken, te waardeer en te ondersteun. Hierdie persone sluit in mediese dokters, verpleegsters, versorgingsassistente, maatskaplike werkers, maatskaplike sorgwerkers, arbeidsterapeute, hospitaaladministrateurs, portiers, skoonmakers, matrones, laboratoriumpersoneel en mense wat in baie ander rolle dien.
Kom ons vier hulle werk en dank God daarvoor. Laat ons ook bid vir die bedroefde gesinne van gesondheidswerkers wat hul lewens verloor het a.g.v. die koronavirus-pandemie. Laai gerus die volgende hulpbron af:
https://afm-ags.org/category/media/
Seën!
MG Mahlobo
