Laai die PDF weergawe hier af (om maklik te e-pos of uit te druk):
AGS AFR 10 FEB Nuusflits AGS Nuusflits Vrydag_10_FEB_2023
FEBRUARIE
HULPBRONNE
Pastorale Brief: 4de Kwartaal 2022
https://afm-ags.org/pastorale-brief-4de-kwartaal-2022/
AGS van SA Nasionale Kalender 2023 – Opgedateer met die Nuutste Veranderinge! (8 Feb 2023)
https://afm-ags.org/afm-of-sa-national-calendar-2023/
NOB-Bemagtigingsbesoeke 2023: Datums & Plekke – Jy word hartlik uitgenooi!
https://afm-ags.org/nob-empowerment-visits-2023-dates-venues/
AGS Kollega,
1. HOOR ONS ONS SEUNS EN DOGTERS?
Ek het onlangs bewus geword van ‘n hip-hop-liedjie met ‘n sterk tema rondom die soeke na betekenisvolle verhoudings en voorbeelde wat die moeite werd is om na te volg. Baie van die liedjies in hierdie kategorie weerspieël tans ‘n algemene gevoel en uitroep van wanhoop, verlies, bitterheid en ‘n gebrek aan positiewe toekomsverwagtinge.
Deel van die paradigma wat geskep word deur ‘n afwesigheid van manlike rolmodelle vir seuns en jong mans, wat waarskynlik gevoed word deur die beelde wat deur sosiale media en pornografie geskep word – is dié van ‘n wêreld waarin meisies en vroue (in verskillende grade) as funksionele voorwerpe beskou word. Hetsy as ‘n trofeë om oor te spog en om jou beeld te bou, of as ‘n manier om jou emosionele en fisiese behoeftes te bevredig. Die frustrasie daarvan kan tot mishandeling en geweld lei. Presies wat ons sien gebeur in die breë samelewing – en ook in ons skole.
Is dit hoe ons seuns tans die wêreld beskou? As ‘n plek van wanhoop, verlies, bitterheid en ‘n donker toekoms. Ons matriekuitslae is pas gepubliseer en ons is weer daaraan herinner dat dit beter is as die vorige jaar. ‘n Minder bekende feit is dat seuns meer geneig is om die skool te verlaat voor Graad 12 en dat slegs 46% van die matrieks wat die 2022-eksamen geslaag het, seuns was.
Tienerswangerskappe en die aantal meisies wat as gevolg daarvan sukkel om sekondêre skoolopleiding te voltooi, is ‘n groot probleem. Is daar dalk ‘n verband tussen die onaanvaarbaar hoë tienerswangerskapvlakke en die feit dat baie seuns die skool verlaat voordat hulle Graad 12 voltooi?
Ons seuns en dogters is nie die probleem soos sommige wil hê ons moet glo nie. Miskien probeer hulle ons iets vertel wat ons nie hoor nie. Is dit nie dalk deel van hoekom ons seuns aangetrokke is tot lirieke wat ‘n distopiese wêreld uitbeeld waar vroue bestaan om gebruik en verneder te word (omdat hulle jou verneder het) en waar helde mense is met blink motors, goue juwele en twyfelagtige sakemodelle nie?
Ons moet vir ons seuns en dogters bid. Ons moet vir ons vaders en moeders bid. Bowenal moet ons seker maak dat ons as Pastore en lidmate van die AGS nie net praat nie, maar regtig doen wat ons kan om positiewe Heilige Gees vervulde rolmodelle vir ons seuns en ons dogters te voorsien.
(Met erkenning aan Pieter Malan)
3. NOB-BEMAGTIGINGSBESOEKE
Hou Die Vuur Aan Die Brand
Ons sien daarna uit om tydens die 2023 Streeksbemagtigingsbesoeke tyd in bediening deur te bring saam met ons Pastore, Gemeenteleiers, Kerkrade, Departemente en lidmate. Die tema vir 2023 is: KEEP THE FIRE BURNING (HOU DIE VUUR AAN DIE BRAND).
Die Nasionale Ampsdraers het gelei gevoel om te fokus op die Geestelike Basis van Missionaliteit en om tyd te spandeer op wie ons is, en hoe ons leef as Heilige Gees vervulde mense en kerk. Ons sal fokus op (i) Ons Roeping as Gelowiges en Pastore; (ii) Daaglikse Tyd met die Woord en in Gebed; (iii) Die karakter, Waardes en Norme van Heilige Gees Vervulde Mense; en (iv) Hoe om die Vuur aan die Brand te Hou in jou Finansies.
Ons deel graag die oorblywende datums en plekke van ontmoeting vir 2023:
Die programme vir Vrydag en Saterdag is beskikbaar vanaf ons webwerf:
https://afm-ags.org/category/events/
Ons sien uit daarna om jou daar te sien!
3. AGS WELSYN: NUUSBRIEF
Die Ware Doel van Welsyn: ‘n Mandaat om Diegene in Nood te Help
Ons kerk se Welsynsdepartement (bekend as AGS Welsyn), het hul eerste Nuusbrief vir 2023 vrygestel. Jy is welkom om die Nuusbrief van die skakel hieronder af te laai en dit te versprei in jou Gemeente, Streek, Netwerk of Departement:
AFM Welfare A Family That Cares JAN_2023
Vriendelike Groete!
Henri Weideman
