Newsflash (with isiZulu Translations): Celebrating our Unity
April 4, 2025
Newsflash (with isiZulu Translations): The Strength & Love of Mothers
May 9, 2025Newsflash (with isiZulu Translations): Celebrating our Unity
April 4, 2025Newsflash (with isiZulu Translations): The Strength & Love of Mothers
May 9, 2025
HULPBRONNE
DIE KRAG EN LIEFDE VAN MOEDERS
Op hierdie Moedersdag 2025 besin ons oor die krag en liefde van moeders deur die verhaal van Naomi, 'n vrou in die Bybel wat diep verlies in die gesig gestaar het, maar voortgegaan het om met moed en geloof op te tree. Naomi het haar man en twee seuns verloor. Dit het haar met twee skoondogters en ‘n onduidelike toekoms gelaat. Ten spyte van haar hartseer het sy voortgegaan en die stil krag getoon wat so baie moeders het: Die vermoë om aan te hou, selfs wanneer die lewe moeilik is.
Naomi het haar skoondogters se behoeftes bo haar eie gestel en hulle aangemoedig om terug te keer huis toe om weer geluk te vind. Rut het egter verkies om by Naomi te bly, ontroer deur die lewe en geloof wat Naomi gemodelleer het. Later het Naomi gehelp om Rut na 'n nuwe begin met Boas te lei, en het sy uiteindelik 'n ouma geword vir Obed, die oupa van koning Dawid.
Naomi se verhaal herinner ons daaraan dat God selfs in tye van hartseer en onsekerheid ons lewens op kragtige maniere kan herstel en gebruik. Net soos Naomi, laat moeders vandag 'n blywende nalatenskap na, nie net deur wat hulle sê nie, maar veral deur hoe hulle lewe. Ek erken en bedank elke ma vir die voortdurende toewyding aan die welstand en groei van hulle gesinne.
Of jy nou 'n ma, ouma of 'n mentor is: Jou liefde, opofferings en geloof vorm die toekoms. Jou storie en die verskil wat jy maak, maak saak - en dit is nog nie verby nie.
AGS KONFERENSIE SEISOEN: MANS, JEUG & SUSTERS
Die konferensie seisoen is hier! Ons betree ’n opwindende tyd op ons kerk se kalender met drie Nasionale Departementele Konferensies wat voorlê vir mans, jeug en susters. Hierdie is nie net byeenkomste nie; dit is Geesvervulde, transformerende ervarings wat ons geloof versterk, ons prakties toerus en ’n dieper passie vir God se werk aanwakker. Elke konferensie bied ’n unieke geleentheid vir gesamentlike aanbidding, geestelike herlewing en impakvolle opleiding. Ons moedig al ons Pastore en lidmate aan om deel te wees van hierdie kragtige byeenkomste. Almal is welkom!
👉 Klik hier vir meer inligting op die AGS webblad: https://afm-ags.org/events/.
NOB BEMAGTIGINGS BESOEKE 2025 – UITNODIGING
Ons sien uit daarna om tydens die 2025 NOB-bemagtiging besoeke tyd in bediening deur te bring saam met ons Pastore, Gemeenteleiers, Kerkrade, Departemente en lidmate. Die tema is: “Sustaining the Fire”.
"Sustaining the Fire" beteken om passievol en toegewyd te bly aan die teenwoordigheid en werk van die Heilige Gees in ons lewens. Net soos 'n vuur ‘n bron van energie nodig het om aan die gang te bly, so moet ons ook ons geestelike lewens voortdurend voed met gebed, aanbidding, die lees van die Woord en gehoorsaamheid aan God. Die Heilige Gees se “vuur” verteenwoordig Sy krag, leiding en teenwoordigheid, wat ons geestelik lewend, sterk en doeltreffend hou. Wanneer ons hierdie “vuur” aan die brand hou, bly ons verbind aan God, gevul met energie vir Sy doel en gereed om die wêreld met Sy liefde en waarheid te beïnvloed. “Never let the fire in your heart go out. Keep it alive. Serve the Lord.” Romans 12:11 (NIRV)
Tydens die 2025 NOB-streeksbesoeke sal die volgende onderwerpe aangespreek word:
Goddelike Genesing, Kerkgroei, Evangelisasie en Missionale aksie vir Impak op die volgende Generasie.
Daar sal ook 'n sessie spesifiek vir Pastore en hul gades wees. Dit sal fokus op die balansering van bediening en die alledaagse lewe. Maak asseblief seker dat jou skedule so beplan word dat jy deel sal wees van hierdie interaksie.
Neem asseblief kennis dat die datums en lokale vir die 2025 NOB Bemagtigingsbesoeke bevestig is.
Die program vir Vrydag en Saterdag is ook beskikbaar op ons webwerf: https://afm-ags.org/category/events/
Ons sien daarna uit om julle daar te ontvang!
Vriendelike Groete!
Henri Weideman
