Die AGS van SA wy die hele Januarie maand aan Gebed en Vas. Daar sal 'n fokus week wees vanaf 20-26 Januarie 2025 met die tema: Soek God se teenwoordigheid. Gedurende hierdie week sal die Nasionale Ampsdraers (NOB) m.b.v. kort video grepe 'n beroep op gelowiges doen om ons verbintenis met die Here te verdiep deur ons harte in lyn te bring met God se wil, Sy leiding te vertrou en Hom in elke besluit te erken.

Die week sal genesing en herstel in ons geloof, liggame, verstand en verhoudings beklemtoon, gebaseer op die belofte van Christus se offer vir ons heelheid. Dit nooi almal uit tot gebed vir persoonlike en gemeenskaplike herlewing, wat vreugde en geestelike vernuwing aansteek. Maak asseblief seker dat julle as gemeente genoeg tyd opsy sit vir hierdie belangrike deel van ons lewe as gelowiges: Gebed en vas.