Ukwengamela Ngendlela

Ukwengamela Ngendlela
Yibani ngabaqaphi abahle (abalondolozi, abahloli, abondli) bengcebo kaNkulunkulu – Ukukhuphula isivinini sokuqalisa ukusebenza koMyalelo Omkhulu.

Izincazelo:

Ukwengamela Ngendlela kumayelana nokusebenza kahle kakhulu ngempumelelo okuhambisana nokubophezeleka ekwenzeni izinqumo kanye nendlela ezisetshenziswa ngayo lezo zinqumo.

Ukwengamela ngendlela ebandleni kuhambisana nendlela ibandla eliphatha ngayo izindaba ezivulelekile nezangasese kanye nengcebo yalo, njengoba linjengesikhungo somphakathi.

Amagama asho okufanayo:
• Ukuba ngabaqaphi
• Ukuphatha ngendlela
• Ukubophezeleka, ukuveza obala nokukwazi ukuphatha kahle impahla yebandla, ingcebo yalo kanye nesikhathi
• Ukuba nezinhlelo ezibekiwe ezizokwandisa ukubophezeleka kwabo bonke abathintekayo ebandleni
• Uhlaka olufanele lwabaphathi kanye nokuphathwa

Amavesi Amqoka:
• Izenzo 6:3
• NgokukaThimothewu Woku-1, 3:5
• NgokukaMatewu 2:14
• KwabaseRoma 12:8
• KwabaseKhorinte Boku-1, 12:28

Umqondo woKwengamela Ngendlela ebandleni umayelana nokubophezeleka kuwona wonke amazinga ebandla ekuhlangabezaneni nezidingo zamalungu ngokuba kusetshenziswe ingcebo ekhona. Ukwengamela Ngendlela kuncike ebuholini obusebenza ngempumelelo nakwimigomo yokuziphatha ngokwesimilo. Kuqondiswe ekukhuleni nasekuthuthukisweni kwebandla, ngakho-ke kuncike kakhulu esisekelweni sokuba yibandla elisebenzela ukufeza injongo kaNkulunkulu.

USathane nesono usebenzela ukudala izinxushuxhushu nesiphithiphithi. Yonke into edalwe nguNkulunkulu iphila futhi isebenza ngokuvumelana nangokulingana nayo yonke indalo yakhe – kusukela ohlelweni lomkhathi womhlaba olukhulukazi kuya ezicutshini zomzimba emntwini. Empilweni esiyiphilayo emhlabeni wethu ogcwele ukona, uSathane uyohlale ezama ukuletha isiphithiphithi nokuba kungasebenzeki ngisho nasebandleni. Yingakho abanye abantu abazibheka bona bodwa bevame ukuhlamuka izinhlelo zamabandla ezihleleke ngendlela nalapho kukhona khona ukubophezeleka.

Ukwengamela ngendlela ebandleni kuhambisana nokuvuma ukuthi amakholwa akusibo abantu abahlabahlosile nabangenamaphutha kanti kuzohlomulisa kuphinde kuphephise wonke umuntu ukuqashelwa kokuzibophezela nokubophezeleka. Ngaphandle kokuvimbela abantu nangaphandle kokucindezela imizamo, ukwengamela kumayelana nokuqapha okwenziwayo kuwona wonke amazinga ebandleni.

Ukwengamela ngendlela kumayelana nokuqapha kahle abantu baNkulunkulu kanye nalokho akuthandayo. Uma impilo yomuntu inokwethembeka kuNkulunkulu futhi yethembekile nakwabanye abantu, ngeke lowo muntu abe nenkinga ngokubophezeleka nangokubeka izinto obala. Empeleni, ubuqotho buyahambisana nakho.

 UKWENGAMELA NGENDLELA